فى ايه يا ولاد الايه ؟؟؟؟؟

في ايه ياولاد الايه
بتولعوها
وبتعملوا فتنة بنا ليه
والا عايزين تداروا
علي ريحتكم اللي فاحت
وجرايمكم اللي فاقت كل الحدود
خايفين م الحساب
خافوا من حساب يوم الدين
فى ايه يا ولاد الايه
والا فاكرين انكم مخلدين
وحتتهنوا بالمليارات والملايين
اللى نهبتوها من قوت
الشعب المسكين
فى ايه يا ولاد الايه
طول عمرنا على ارضها عايشين
بنوحد رب العالمين
وما فى فرق بين الهلال والصليب
الاتنين فداء مصر متجمعين
ع الحلوه والمره
طول عمرهم عايشين
من البدايه
ليوم الدين
فى ايه يا ولاد الايه؟؟؟

عاشقة ترابك

ابكى يا قلبى
واتحسرى يا عينيه
على حال زينة البنات
احلى صبيه
شافتها عينيه
حبوها لخفة دمها
وسمار لونها
ايه بس اللى جرالها؟؟؟؟؟؟؟؟
ده عيون حسادها
والا خيرها
طمع فيها الكل
حتى ولادها
وبايديهم
قادت النار
فى كل بلادها
شايفة دموعك يا بنية
وانتى بتبكى حالك
وحال ولادك
يا ترى
حتكون ايه النهايه
شويه زوبعه
وراحت لحالها
والا صحوه
فى كل الدول العربيه
ما تبكى يا عينيه
انتى غاليه قوي عليه
وعاشقة ترابك
يا ام الدنيا

ليه يا دنيا

يا دنيا ليه قاسيه عليه
..كل ما احب
تيجي واحده
تخطف حبيبي في ثانيه
..وابات لياليا والدمع مالي عينيا
رد عليه يادنيا
العيب فيكي والافيا
..والا انا مش مكتوبلي
احب واتحب في الدنيا ديه
..واعيش قصص الحب الورديه
..وحبيبي يسمعني احلي كلام
ويكتب فيا قصائد رومانسيه
واعيش ويا حبيبي متهنيه
..ابكي يا عينيه
..الدنيا خاصمتني
..وبقيت وحدي م الليله ديه..

انا ماشيه خلاص

جاى تقولى
ما تستاهليش حبى
وانك تعيشى فى حضنى
ده ليه كل ده
مش عايزنى فى حياتك
قول علطول وما تجرحنيش
انا ماشيه خلاص
واتعود م النهارده
من غيرى تعيش
وماتجيش تسالنى فى بوم
هو انا ما وحشتكيش
عشان من غيرك
حعرف اعيش
ويا اللى يقدر حبى
وما يخونيش
وعشان يدارى غلطه
يرمى غلطه عليا
ويقولى انتى
ما تستاهلينيش

انا امراة غير كل النساء

انا امراة غير كل النساء

متفردة بكل صفاتى

انا عقل رجل

وقلب امراه

رقيقه كالزهره

كبريائى شامخ

كقمة اعلى الجبال

صعب ان تغوص

بداخل افكارى

فهى عميقة كالبحار

اسحق من يحاول

ان يتعدى شطآنى

دون استئذانى

حكيمه بافكارى

متفلسفه بارائى

ناصحه لمن يطرق بابى

اتمتع ببراءة الاطفال

اهوى شقاوتهم وبرائتهم

والحديث معهم

انا امراة غير كل النساء

لا اهوى كثره الكلام

اهوى العزله

والحديث ويا ذاتى

انا امراة غير كل النساء

فانا استطيع

قراءه عيون

من يخاطبنى

وافهم ما يدور داخلهم

انا امراة غير كل النساء

لا اهوى من يتلاعب بمشاعرى

وعندى مقدره

على قتل مشاعرى

ودفنها بقلبى

وان احيا جسد بلا قلب

انا امراة غير كل النساء

لا امتلك مهاره الشعراء

ولكنى هاوية

اكتب ما يمليه

عليا احساسى

ام واحده واب واحد

امنا حواء وابونا ادم\

ام واحده واب واحد

طول عمرنا

اخوات من يومنا

على ارضنا

عايشين بسلام

الباب فى وش الباب

لو محمد قال اه

حنا حيجيله اوام

وحنا يوم فرحه

محمد حيقف معاه

ما هو احنا

كده عايشين من زمان

ليه يا عالم مستكتريناها علينا

وبتزرعوا ما بينا الغام

وتتهموه فى الاسلام

انا مسلم

وموحد بالله

ومآمن بكل الاديان

وبحب المسيحى

زى اخويا المسلم تمام

ما احنا كلنا

موحدين بالله

متقكروش انكم بكده

عن بعضنا بتبعدونا

ده احنا بنقرب من بعضنا

اكتر من زمان

قابلته الليلة

قابلته الليله

كان بقالي زمان ماشفته

عيونه جت في عينيه

بس اتكسفت اسلم عليه بايديه

ما انا اللي بعت حبه

واتخليت عنه

في عز ماهو محتاج ليه

اصلي بطبعي انانيه

بحب نفسي اكتر من اي حاجه فى الدنيا

ودفعت التمن غالي

في بعدك ياما قاسيت وسهرت الليالي

يا حب عمري الماضي والحاضر والاتي

صدقنى عمر طيفك ما فارق خيالى

بحلم بيك ليلى ونهارى

بدعى ربى وبصلى

ان اللى حلت محلى

تعوضك كل خير

وتدواى جرحك

وتنسيك غدرى