أوصدت الابواب

اوصدت الابواب
فلم يعد لى احباب...
ما تركوا لى سوى جرح فى القلب ...
ودموعى على خدى تنساب...
هذا قدر الاحباب ...
نظرة ...
فلقاء ...
ففراق يخلف وراءه عذاب...
أليس هذا هو حال الاحباب؟؟؟
فى البدايه
اطرب اذانى باحلى الكلمات
وعزف على اوتار قلبى
أحلى الالحان
فسلم له قلبى نفسه
وفجأة تغير الحال !!!
هجرنى بدون استئذان
فعلمت
انه وجد صيد جديد
واصبح قلبى انا وحيد
فقررت الا اعشق من جديد
وان اغلق قلبى بقفل
من حديد

جرحتنى

جرحتنى...المتنى
وراجع تانى تقول بتحبنى
كان فين حبك زمان
لما كنت بين ايديك
لكن غرورك دبحنى
افتكرت انك لما تقولى بحبك امتلكتنى
انسى اللى كان
بينا زمان
واعرف انى اتولدت من جديد
لما انت خنتنى
وبقيت واحده تانيه
غير اللى انت عرفتها
قدرت تنساك فى ثانيه
لما انت خنتها

يا عالم يا هوه

يا عالم يا هوه
الاخ بيحارب اخوه
والابن بيقتل ابوه
يا ناس جرى ايه؟
فرحتوا فينا اللى ما يتسموش
عارفينهم والا ماعرفتوش
كل ماشى باسلوب حلق حوش
المهم ان كل واحد يكنز القروش
ومايهموش الناس تاكل والا ماياكلوش
ياعالم يا هوه
ضحكتوا علينا اللى ما يتسموش
فى ماتش كوره ولسه ماسكتوش
وكل واحد عمال يزود فى الرتوش
والحزن ملا كل الوشوش
وفى النهايه شمتوا فينا اللى ما يتسموش
بقى ايه الفرق بينكم وبين الوحوش
كله بينهش فى لحم اخوه
يا عالم يا هوه

تعبت يا ناس

حاسه انى وحيده
وسط الدنيا العجيبه
نفسى فى حد يسمعنى
وافهمه ويفهمنى
نفسى افضفض
نفسى اتكلم
نفسى اصرخ
مش عايزه اتالم
تعبت ياناس
نفسى اعيش اجمل احساس
نفسى اعيش واحس ياناس
نفسى احب
نفسى اتحب
نفسى فى لمسه ايد بجد
عايزه اعيش الحب ياناس
كفايه ملل
كفايه عذاب
ماهى دنيا دخلناها من باب
وحنخرج من نفس الباب

آه من جرحك ليا

اه من جرحك ليا
كل ما اقرب منك خطوه
تبعدنى بدل الخطوه ميه
هو ده جزاء الحبيب
يتالم ويتعذب
والجرح مش راضى يطيب
ودواه فى ايديك
يا اعز واغلى حبيب
وانت رافض تكون الطبيب
خايفه اصرخ حد غيرك يسمع
خايفه ابكى حد غيرك يشوف دمعى
بتعذبنى بحبى ليك
هوده جزاء الحبيب
خايف حد يعرف جرحك ليا
فيبص ليك بصه مش هيا
وتتهز صورتك فى عينهم وعنيا
وانت اعز واغلى حبيب مهما تعمل فيا

بحبك يا امى

الى من حملتنى وتحملت من اجلى الكثير ومازلت تتحمل
من اجلى ومن اجل اولادى
اهديها هذه الكلمات




بحبك يا امى
وحبك فى دمى
ونورك فى قلبى
ينور لى دربى
يا غاليه عليه
يا نبع الحنيه
يا اطيب انسانه فى الدنيا ديه
فى حضنك الدافى
يا ما بكيت
وبايديك الغاليه
مسحتى ليا دموع عنيه
يا ما اشتكيتلك
وعنى خففتى
وياما دوختك
وصبرتى عليه
ربى يحميكى
ويبارك فيكى
يااغلى انسانه
فى الدنيا ليه
يارب قدرنى
واقدر اوفى
حقك عليه
وانا لو عشت فوق العمر عمر
ما اقدر اوفى جميلك عليه
ياغاليه عليه
يا نبع الحنيه
يا اطيب انسانه
فى الدنيا ديه

اتخدعت فعلا فيك

اتخدعت فعلا فيك
خدعتنى نظره عينيك
كنت بتبان ملاك
وطلعت تعبان كبير
ياما الناس حذرونى
ومن كلامك خوفونى
لكن حبى ليك
خلانى اتشدلك
اتخدعت فعلا فيك
خدعتنى نظره عينيك
كنت بتبان ملاك
وطلعت تعبان كبير

كذبت كل الناس
عشان اعيش وياك اجمل احساس
احساس خلانى اعيش فى الجنه
اتاريها طلعت جنه وهميه
اتخدعت فعلا فيك
خدعتنى نظره عينيك
كنت بتبان ملاك
وطلعت تعبان كبير
وعد عليا
لعرفك غلاوه دموع عينيا
واكبر ترضيه ليا
عيونك مش حتقدر ترفعها فى عينيا

اتخدعت فعلا فيك
خدعتنى نظره عينيك
كنت بتبان ملاك
وطلعت تعبان كبير

رسالة الى حبيبى (2)

من وقت عرفتك واحسست
ان هناك شىء يجذبنى اليك
لا اعرف ما هو هذا الاحساس
ولكنى وجدت نفسى
تشتاق اليك تهوى الكلام معك
وجدت نفسى
تنتظرك كل يوم فى نفس الموعد
لاشبع عينى بملامحك
ثم اكتشفت انى احبك بل اهواك
لا بل اعشقك عشقا لم اعرفه من قبل
فقبل ان القاك كانت ملامح وجهى عاديه مثل باقى البشر
وفى لحظه تغيرت هذه الملامح
فحبك رسم على وجهى ملامح لايخطئها من يراها
فعرف وجهى ملامح الجمال بسبب حبك
وملامح الحزن لغيرتى عليك
وملامح الشوق والحيره من قلقى عليك
وارتسمت على وجهى اجمل ابتسامه
تريد ان تخبر الجميع انى احب حبيبى
وسكن عينى بريق لا ينطفىء
فحبك انساب بين مشاعرى
حتى وصل لقلبى واحتله
لا بل اسر قلبى
ارايت احد من قبل يتمنى الا يخرج من آسره
انا اتمنى ان اظل اسيره هواك
يا عشقى الاول والاخير
اتمنى ان تهوانى
مثلما اهواك

ابقى اطمن عليه

لاانا ليك ولاانت ليا
ياعمرى وسنينى
اللى راحت واللى جايا
حكمل مع غيرك
وانت مع واحده تانيه
بس ياريت تفتكرنى
ومن وقت للتانى
ابقى اطمن عليا
لا انا ليك ولا انت ليا
ياعمرى وسنينى
اللى راحت واللى جايا
ده حكم القدر
حكم علينا بالفراق
حكم والحكم صدر
نكون دايما
فى حاله اشتياق
لا انا ليك ولا انت ليا
ياعمرى وسنينى
اللى راحت واللى جايا

رسالة الى حبيبى

قررت ان احيا بلا قلب
والا ينبض قلبى بعد الآن حتى مماتى
فما اصعب ان ينبض قلبك بالحب
وان تحب من لا يقدر هذا الحب
معذره
لا يوجد فى هذا الزمان
احد يعرف معنى الحب
فيا من كنت حبيبى
وستظل الى اخر عمرى حبيبى
ووعد منى لك تجاه الله
لن افتح قلبى لاحد بعدك
فانت يا حبيبى لم تحبنى
ولكن كنت تريد اللهو معى
وان اكون رقما
من ضمن ارقام كثيره لديك
فهل حقا اصبحنا نحيا فى زمن ماتت به المشاعر؟؟؟
انا لا احتاج منك تبريرا لما فعلته بى
فادعو ربى ان يسامحك
وان تحيا مع من يهواها قلبك غيرى
ولكن حبيبى ارجوك
لا تخدع احد بعدى بحبك

جايه اشكيلكم حبيبى

جايه اشكيلكم حبيبى
واللى عملوا فيا
دايما ناسينى
ومش بيسال عليه
ولما اعاتبه...يقول :


مشغول غصب عنى
مفيش غيرك فى قلبى
واسامحه اصلى بحبه
ومقدرشى ابعد عنه
وشويه ويرجع تانى

ينسانى

واسهر من شوقى ليه ليالى
وقلبى يبكى منه
واعمل ايه يا ناس؟
اصلى بحبه
قولوا له يا ناس


انى عاشقاه
ودايبه فى هواه
ووصوه عليه
ياخد باله منى
ويحنن قلبه شويه

سايق تقلك عليه

قلبي مشتاق اليك
قلبي حيموت عليك
وانت ولا انت هنا
وسايق تقلك عليه


ليه يا حبيبي كدا
تعمل في قلبي كدا
والا عشان بحبك قوي
تقوي عليه وتفتري


قلبي مشتاق اليك
قلبي حيموت عليك
وانت ولا انت هنا
وسايق تقلك عليه
والله يا حب عمري


مهما قابلت ومهما عرفت
ماتلاقي حد يحبك قدي
والمهم
حتلف تلف وترجع ليا


قلبي مشتاق اليك
قلبي حيموت عليك
وانت ولا انت هنا
سايق تقلك عليه

هل ستجيبنى؟؟؟

من انا ؟

ولما انا ؟!

حائرة هكذا

عقلى كاد يجن

مما به من افكار

فهل لكل ما يدور بعقلى من اسئلة اجوبه؟

فهل من مجيب؟

ام انا انسان غريب

فى زمن عجيب

فيه البشر يرتدوا

اقنعه ذئاب

والصاحب غدار

فهل ما اشعر به

تشعرون به مثلى

فهل من مجيب؟

اشعر بانى اغرق

فهل من طوق نجاة لى

اين يديك يا منقذى

ام تتمنى لى ذلك

فهل ستجيبنى ؟

قلبى يتمزق

من شوقه لك

وانت اه منك

والف اه

من تجاهلك لى

هل عندك تفسير لذلك

اجيبنى

لما تتعمد اثارة غيرتى

الا تعلم اننى مجنونة بحبك

هل ستجيبنى ؟؟؟

هل هان حبى عليك؟؟؟

بكت عيونى من هجرك لى

فرد قلبى عليها قائلا

كيف انسى من سكن قلبى

وتربع على عرشه

فحينما شعرت

بانى ملكت الدنيا

وما فيها

فاجاتنى بالفراق

فقلبى لايستطيع

ان يحيا بدونك

فانت حكمت عليه

بالاعدام

آه ...أه...أه

ما هذا الذى يحدث بداخلى؟؟؟

اصواتا صاخبه

واحتفالات هائله

اتعلم من يقيم هذه الاحتفالات؟؟؟

انها دموعى عينى

تتراقص مع شفاه

هجرتها البسمه

حاولت ان اكلمك

واستحلفك باغلى

ما عندك ان تسمعنى

بخلت عليه بلحظات

من وقتك

لما هذه القسوه

يا حب عمرى

فهل لهذى الدرجه

هان حبى عليك؟؟؟

حدوتة

كان يا ما كان

يا سعد يا كرام

وما يحلى الكلام

الا بذكر النبى عليه الصلاة والسلام

كان يا حبايبى يا حلوين

من قديم الازل

أمة معروف عنها

الشجاعه والهمة

وايادى شعبها متماسكة مع بعضها

وفى غفلة منهم

دخل الديب ديارهم

وفرق ما بينهم

واغتصب اراضيهم

وهتك عروضهم

وبقى فى لمح البصر

سيدهم

وبعد ما كانوا بينضرب

بيهم المثل

بقى لاحول ليهم ولا قوة

والديب عمال ينهش فيهم

والكل خايف منه

امتى حيصحوا ويفوقوا

من غفلتهم

ويعودوا كم كانوا

امة ينضرب بيها المثل

وتوتة توتة

فرغت الحدوتة

حلوة والا؟؟؟

من رايى

ماهى حلوه بالمره

دى حكايه تغم

وطعمها علقم

أيام وبتعدى

ايام وبنعيشها
والا ايام وبتعدى
الفرق ما بينهم ايه؟؟؟
الاولى :حياه فيها حب وحنان
فيها عشق وحرمان
فيها حلو ومر
ايام بتمر
والتانيه
اه منها التانيه
ليها بدايه ونهايه
واحنا ما بينهم عايشنها حكايه
ابطال صامتين
ساكتين صابرين
لا ليها لا طعم ولا لون
ودموع جوه العيون
وجروح وانين
وتعدى ايام
وتعدى سنين
واحنا عايشين
ايام وبتعدى

امراه مهملة

اشعر بانى امراه مهمله
احيا كاله مستعمله
اتوق لمن يشعرنى بانى انثى
على قلبه ملكه متوجه
ياخذنى بين ذراعيه
يغمرنى بدفء عينيه
فهل هذا عته منى؟ام انا احلم بماهو مستحيل؟
ام يجب ان احيا كاله معدمه المشاعر؟
اريد ان يشعرنى حبيبى بانى شمس حياته
وعندما اتحدث اعزف على اوتار قلبه اجمل الالحان
وانى هوائه الذى يتنفسه
اريد ان يشعرنى انى اجمل امراه راها
حت ولو كنت اقبح امراه فى عيون الاخرين
اريد ان يسمعنى اجمل الكلمات
فاحلق معها الى اقصى السموات
فهل هذا عته منى؟ ام انا احلم بماهو مستحيل؟
ام يجب ان احيا كاله معدمه المشاعر؟
اشعر كانى بركان تتصارع فيه الحمم
فهيا فجرنى قبل ان انفجر وحدى
فتندفع منى مشاعرى واحاسيسى
فيجرفها التيار الى ارض غير ارضك
فتلتحم معها مشاعرى واحاسيسى
فتندم ومن قبلك انا
فهل هذا عته منى؟ ام انا احلم بماهو مستحيل؟
ام يجب ان احيا كاله معدمه المشاعر؟
تمنيت لو كنت مثل موج البحر وانت مثل الشط
نلتقى ليل نهار ونلتحم ببعض طول الوقت
فيا فارس احلامى انى انتظرك
لتاخذنى على ظهر حصانك
وتغمرنى بحبك وحنانك
ونحيا فى دنيا احلامى واحلامك
فهل هذا عته منى؟ ام انا احلم بما هو مستحيل؟
ام يجب ان احيا كاله معدمه المشاعر؟
فيا من اناجيك هل تشعر بى؟
ام انا اناجيك فى خيالى؟
اجيبنى يا فارس احلامى
ام كتب على قلبى الاعدام
وان احيا كاله معدمه المشاعر
فى زمن ماتت فيه المشاعر
ولكى اعيش يجب ان احيا كاله
وانسى انى امراه
واعيش هذه المشاعر فقط فى احلامى
كانى اعيش وحدى فى عالم ثانى
حتى افارق هذا العالم الفانى