يا دنيا دوارة
واحنا فيك دوارين
وعيونا مغمين
بنلف ليل ونهار
لاجل نعود برغيف للدار
نسد بيه جوع غلابة صغار
يا دنيا دواره
طعم الحياة فيك مرار
ولوحبينا بالسكر نحليكي
اسعارك في زيادة باستمرار
يا عيني ع الغلابة اللي مش لاقيين
وفي الشوارع سارحين
وايديهم للناس مادين
لله يا محسنين
بس في زمانا الكل غلابة
طب نمد ايدينا لمين
والله ما لينا غير رب كريم
هو اللي عالم بحالنا
ارزقنا يارب العالمين
واحفظنا من سؤال الشبعانين.
. اللي بفلوسنا علي بره طايرين.
.وفي الحرير متنعمين
ناسين انهم حسيبوها منفضين
لا حينفعهم لا مليارات ولا ملايين
وايديهم بدم الغلابه متعاصين
وفي الختام
اجدع سلام
للي لفلوسنا ناهبين
ليست هناك تعليقات:
إرسال تعليق